સુરત જિલ્લાનાં માંગરોળનાં મોસાલી ચોકડી ખાતે બંધ મકાનને ચોરોએ નિશાન બનાવી કબાટમાં મુકેલા રોકડા ૪.૫૦ લાખની ચોરી કરી ફરાર થઈ ગયો આરોપીને એલ.સી.બી. પોલીસે પૂર્વ બાતમીનાં આધારે ઝડપી પાડી કુલ ૪ લાખ પ૦૦નો મુદ્દામાલ કબજે કર્યો હતો.

મળતી માહિતી અનુસાર, માંગરોળ તાલુકાનાં મોસાલી ચોકડી ખાતે રહેતા અને મકાનની નીચે રામદેવ કરિયાણા નામની દુકાન ચલાવતા ભેરૂલાલ આરોપી હર્ષદ મગનભાઈ તન્ના નામનો શખ્સ છે અને જે હાલમાં કુડસદ ગામ સમુહ વસાહતમાં હિતેશભાઈ પ્રજપતિની બિલ્ડીંગમાં ભાડાની રૂમ રાખી રહે છે તેણે ચોરીનાં રોકડા રૂપિયા રૂમમાં છુપાવ્યા છે. હાલમાં તે પોતાનાં દેવારામ ગુર્જરના રૂમ પર હાજર છે. એવી બાતમી એલ.સી.બી. પોલીસને બાતમી મળી હતી. પોલીસે સ્થળ પર પહોંચી આરોપી હર્ષદ તન્નાને ઝડપી પાડયો હતો. પોલીસે તેની પાસેથી ચોરીનાં ૪ લાખ રોકડા રૂપિયા, ૫૦૦ કિંમતનો મોબાઈલ ફોન, ચોરી કરવા માટે ઉપયોગ કરેલ ૧ પેચીયુ મળી પોલીસે કુલ ૪ લાખ ૫૦૦ રૂપિયાનો મુદ્દામાલ કબ્જે કર્યો હતો. આરોપીની ઉંમર ૬૬ વર્ષની છે અને તે રાજકોટના ગરેડીયાકુવા રોડનો રહેવાસી હોવાનું જાણવા મળ્યું હતું.