ડાંગ જિલ્લના સાપુતારા માલેગામ રાષ્ટ્રીય ધોરીમાર્ગ પર પુણેથી કલોલ પાઇપનો જથ્થો ભરી જતો ટેમ્પોની બ્રેક ફેઇલ થતા ટેમ્પો માર્ગ સાઈડ દિવાલ કુદાવી ખાડામાં ખાબકતા અકસ્માત સર્જાયો હતો. બનાવની વિગત એવી છે કે, સાપુતારા માલેગામ રાષ્ટ્રીય ધોરીમાર્ગ પર આવેલ ફોરેસ્ટ રેસ્ટ હાઉસ પાસેના તીવ્ર વળાંક પર પૂણેથી કલોલ લોખંડના પાઇપ ભરી જઈ રહ્યો હતો. તે દરમિયાન ટેમ્પોની બ્રેક ફેઇલ થતા ટેમ્પો માર્ગ સાઈડ આવેલ દિવાલ કૂદી ખાડામાં લટકી ગયો હતો. ટેમ્પોમાં મુકેલ પાઇપનો જથ્થો વેરવિખેર થઇ ગયો હતો. બનાવમાં સદનસીબે ચાલક અને ક્લીનરનો ચમત્કારિક બચાવ થતા હાશકારો અનુભવ્યો હતો.