સોનગઢ : સોનગઢ તાલુકાના ધમોડી ગામના પટેલ ફળીયામાં રહેતો 45 વર્ષીય પ્રતાપભાઈ નવજીભાઈ ગામીત,પોતાની કબ્જાની મોટર સાયકલ નંબર જીજે/26/એસ/1576 લઈને ગત શનિવારે રાત્રે આશરે 8:40 કલાકના અરસામાં નીકળ્યા હતા.

તે દરમિયાન બાઈકના સ્ટેયરિંગ પરથી કાબુ ગુમાવતા ઝીણાભાઈ ભીલ્યાભાઈ ગામીત ના ઘરની સામે બાઈક રોડની બાજુમાં ઉતરી ગઈ હતી અને આંબલીના ઝાડ સાથે અથડાઈ હતી.જેના કારણે પ્રતાપભાઈ ને શરીરે ગંભીર ઈજાઓ પહોંચતા મોત નીપજ્યું હતું.

બનાવ અંગે મુકેશભાઈ નરોત્તમભાઈ ગામીત રહે,પટેલ ફળિયું,ધમોડી ગામ-સોનગઢ નાઓની ફરિયાદના આધારે સોનગઢ પોલીસે બનાવ રજીસ્ટર કરી આગળની વધુ કાર્યવાહી હાથ ધરી છે.