ગોરાથી ભાણદ્રા ચોકડી જવાના રસ્તા પાસે કાર અને બાઈક વચ્ચે અકસ્માત થતા બે વ્યક્તિને ગંભીર ઈજા પહોચી હતી.

કેવડીયા પોલીસ મથકે અકસ્માત ગુના નોંધાયો હતો જેમાં ફરિયાદી અનિલભાઈ પોતાની મોટરસાઈકલ નંબર.જીજે/૨૨/એલ/૭૨૬૫ ઉપર રાજેશભાઈ મોતીભાઈ તડવીને બેસાડીને ભાણદ્રા ચોકડી તરફથી કેવડીયા તરફ ઘરે આવતા હતા. તે સમયે કાર નંબર.એમએચ/૪૮/બીટી/૧૮૭૦ના ચાલકે તેની કાર પુરઝડપે  અને ગફલતભરી રીતે હંકારી રોંગ સાઈડ આવી અનિલભાઈની મોટરસાઈકલ સાથે અથડાયા હતા જેમાં મોટરસાઈકલ પર સવાર બંનેને ઈજા થઈ હતી જ્યારે કાર ચાલક અથડાયા બાદ ત્યાંથી નાસી છૂટતા પોલીસે આગળની કાર્યવાહી હાથ ધરી છે.