અભયમ ૧૮૧ મહિલા હેલ્પલાઇન દ્વારા મુશ્કેલીમાં મુકાયેલ મહિલાઓને માર્ગદર્શન અને ત્વરિત મદદરૂપ બનતા અભયમ હેલ્પલાઇનને સારો પ્રતિભાવ મળી રહયો છે અભયમ સેવાનો વધુમાં વધુ મહિલાઓ લાભ મેળવે તે માટે પ્રચાર-પ્રસાર કરવામાં આવી રહયો છે. તાજેતરમાં કોરોના મહામારીથી દેશ અને દુનિયાઓને માઠા પરિણામો મળ્યા છે અને હવે આગામી સમયમાં પણ તેની સામે કાળજી લેવી અત્યંત આવશ્યક છે.

 

 

 

 

સરકારના આરોગ્ય વિભાગે જાહેર કરેલા ગાઈડ લાઈનનું ચુસ્તપણે પાલન કરવામાં આવે તે માટે અભયમ નવસારી ટીમ દ્વારા અડદા ગામે ગ્રામ્યજનો માટે જન જાગૃતિ લાવવાનો પ્રયાસ કરવામાં આવ્યો હતો. જેમાં વ્યક્તિગત સ્વછતા, માસ્કનો ઉપયોગ કરવો, ગામની જાહેર સ્વચ્છતા, રોગ પ્રતિકારક શક્તિમાં વધારો કરવો, સૅનેટાઇઝર કે સાબુથી હાથ સાફ કરવા અને કોઈપણ આરોગ્યલક્ષી તકલીફ હોય તો તાત્કાલિક સારવાર લેવા અંગે વિસ્તૃત માહિતી આપવામાં આવી હતી.

 

 

 

 

આ અવસરે મહિલા કાઉન્સેલર હેતલબેન ચૌધરી અને મહિલા પોલીસ અધિકારી અંજનાબેન પટેલ દ્વારા ગ્રામ્યજનોને મહામારી સામે રક્ષણ મેળવવા અપીલ કરી હતી.