રેંજ આઈજી સુરતની ટીમ ઓપરેશન ગૃપના માણસો ને મળેલ બાતમીના આધારે સોનગઢ તાલુકાના ગાયસવાર ગામના ડેરી ફળિયા પાસેથી તા.11મી સપ્ટેમ્બર નારોજ એક એકટીવા ગાડી નંબર જીજે/26/એલ/4909 ને ઝડપી પાડી તપાસ કરતા સુમિતભાઈ રામુભાઈ ગામીત રહે, સિંગપુર,બજાર ફળિયું તા.સોનગઢ ના પાસેથી ભારતીય બનાવટનો દારૂનો જથ્થો વિસ્કી બાટલી નંગ 192 જેની કિંમત રૂપિયા 9,600/- તથા તેની અંગ ઝડતી માંથી મળી આવેલ મોબાઇલ જેની કિંમત રૂપિયા 500/- અને એકટીવા ગાડીની કિંમત રૂપિયા ૨૫,000/- મળી કુલ રૂપિયા 35,100/- ના મુદ્દામાલ સાથે ઝડપાઈ ગયો  હતો,

તેની વધુ પૂછપરછમાં દારૂનો જથ્થો સ્ટાર બીયર બાર (મચ્છી બજાર) નવાપુર-મહારાષ્ટ્ર ખાતેથી ભરી લઈ આવ્યો હોય બનાવ અંગે હેડકોન્સ્ટેબલ બીપીનભાઈ રમેશભાઈની ફરિયાદના આધારે સોનગઢ પોલીસ મથકે સુમિતભાઈ ગામીત વિરુદ્ધ ગુનો દાખલ કરી સ્ટાર બીયર બારના માલિકને વોન્ટેડ જાહેર કરવામાં આવ્યો છે.