સોનગઢના પીપળકુવા ગામનો 29 વર્ષીય યુવક ગુમ થયો હોવાની ફરિયાદ આજરોજ ઉકાઈ પોલીસ મથકે દાખલ થઇ છે.

 

 

 

 

મળતી માહિતી અનુસાર સોનગઢ તાલુકાના પીપળકુવા ગામના પાલીસકુવા ફળીયામાં રહેતો 29 વર્ષીય કલ્પેશભાઈ પ્રદીપભાઈ ગામીત ગત તા.24મી જુના નારોજ સવારે પોતાના ઘરેથી ઘરના સભ્યોને જેકે પેપર મિલમાં મજુરી કામ અર્થે જાઉં છું, તેમ કહી બજાજ પલ્સર મોટર સાયકલ નંબર જીજે/26/આર/1258 લઈને ઘરેથી નિકળ્યો હતો.

 

 

 

 

જોકે પરત ઘરે નહી આવતા જેની તપાસ કરતા આજદિન સુધી મળી આવેલ ન હોય ગુમ થનાર યુવકના પરિવારજનોએ ઉકાઈ પોલીસ મથકે જાણ કરી હતી. ગુમ થનાર યુવકે શરીરે આછા સફેદ કલરનું શર્ટ તેમજ બ્લુ કલરનો પેન્ટ પહરેલ છે, જેની ઉંચાઈ આશરે પાંચ ફૂટ સાત ઇંચ છે, શ્યામ વર્ણનો તેમજ મોઢું લંબ ગોળ છે, ગુજરાતી, હિન્દી અને આદીવાસી ભાષા બોલે છે તથા જાણે છે.બનાવ અંગે ગુમ થનારની પત્ની અર્પણાબેન કલ્પેશભાઈ ગામીતની ફરિયાદના આધારે રવિવારે બપોરે ઉકાઈ પોલીસે ગુમ જાણવા જોગ બનાવ દાખલ કરી વધુ તપાસ હાથ ધરી છે.