સોનગઢ પોલીસે ઈંગ્લીશદારૂ વિસ્કીની બોટલો સાથે એક યુવકેને ઝડપી પાડી 29 હજારનો મુદ્દામાલ કબજે કર્યો છે.

સોનગઢના જેપી નગરમાં રહેતો 20 વર્ષીય યુવક વિશાલ છોટુ સૂર્યવંશી મોડીરાત્રે સોનગઢના જમાદાર ફળીયામાં આવેલ કબ્રસ્તાન પાસેથી પોતાની એકટીવા ગાડી નંબર જીજે/26/જે/4976 ઉપર ત્રણ પેટીમાં કુલ વિસ્કીની બોટલ નંગ 144 જેની કિંમત રૂપિયા 14,400/- ના દારૂના મુદ્દામાલ સાથે પકડાઈ ગયો હતો. પોલીસ તપાસમાં નવાપુર ખાતે આવેલ એમડી વાઈન શોપ પરથી કોઈ અજાણ્યા ઇસમે દારૂ ભરી આપ્યો હોવાનું જણવા મળ્યું હતું. જેને વોન્ટેડ જાહેર કરવામાં આવ્યો છે.

બનાવ અંગે પોલીસ કોન્સ્ટેબલ લાલજીભાઈની ફરિયાદના આધારે એકટીવા ગાડી, ઈંગ્લીશદારૂ મળી કુલ રૂપિયા 29,400/- નો મુદ્દામાલ કબજે કરી બંને આરોપીઓ વિરુધ્ધ સોનગઢ પોલીસ મથકે ગુનો દાખલ કરવામાં આવ્યો છે.(ફોટો-યુવરાજ પ્રજાપતિ)