સુરત જિલ્લાનાં પલસાણા તાલુકાનાં કારેલી ગામે સંસ્કાર પોલિનેટ ફેક્ટરીની બહારના ભાગે એક યુવકને વીજ કરંટ લાગતાં તેનું મોત નીપજયું હતું. સુત્રો પાસેથી મળતી માહિતી અનુસાર, પલસાણા તાલુકાનાં કારેલી ગામે રુદ્રાક્ષ સોસાયટીમાં રૂમ નંબર-212માં રહેતા હરીશ્ચન્દ્ર સુરજન ચૌહાણ (ઉ.વ.26) મૂળ યુ.પી.નો વતની છે.

જોકે તેઓ 2:30 વાગ્યાની આસપાસ સંસ્કાર પોલિનેટ ફેકટરીના બહારના ભાગે કરંટ લાગ્યો હતો. તેને સારવાર માટે બાબેન મોતા રોડ ઉપર આવેલ એક્ષલ મલ્ટી સ્પેશીયાલિટી હોસ્પીટલ ખાતે લઇ જતા ફરજ ઉપરના ડોકટરે મૃત જાહેર કર્યો હતો. બનાવ અંગે પલસાણા પોલીસે અકસ્માત મોતનો ગુનો નોંધી આગળની કાર્યવાહી હાથ ધરી હતી.