ગાંધીનગરના ગ-રોડ ઉપર રાત્રિના સમયે બાઇક લઇને નિકળલો યુવક સ્લીપ ખાઇ જતા યુવક નીચે પટકાયો હતો. ગંભીર રીતે ઘાયક યુવાનને સારવાર માટે ગાંધીનગર સિવિલ ખસેડવામાં આવ્યો હતો ત્યારબાદ મહેસાણા હોસ્પિટલ આ યુવકને લઇ જવામાં આવ્યો હતો જે દરમ્યાન યુવકનું મોત નિપજ્યું હતું.

પોલીસ સુત્રોમાંથી મળતી માહિતી પ્રમાણે, સેક્ટર 24 પીળા પટ્ટામાં રહેતો 19 વર્ષીય જયદીપ મહેશભાઇ નાયી ગતરોજ રાતે પોતાનું બાઇક લઇને ગ-રોડ ઉપર ગ-5થી ગ-6 તરફ જતો હતો. તે દરમિયાન તેનુ બાઇક સ્લીપ ખાઇ ગયુ હતુ. ગંભીર રીતે ઘાયલ યુવકને સારવાર અર્થે ગાંધીનગર સિવિલ ખસેડવામાં આવ્યો હતો.ત્યાર બાદ વધુ સારવાર માટે અમદાવાદ હોસ્પિટલ અને મહેસાણા હોસ્પિટલ તેને લઇ જવામાં આવ્યો હતો જ્યાં સારવાર દરમ્યાન આ યુવકનું મોત નિપજ્યું હતું. ઘટના અંગે સેક્ટર-21 પોલીસે ગુનો નોંધી કાયદેસરની કાર્યવાહી હાથ ધરી હતી.