ઉચ્છલના ચચરબુંદા ગામના હાઇવે પર ટ્રક અડફેટે બાઈક ચાલક યુવકનું સારવાર દરમિયાન મોત નિપજ્યું હોવાનો બનાવ પોલીસ મથકે નોંધાયો છે.

મળતી માહિતી મુજબ ઉચ્છલ તાલુકાના ચચરબુંદા ગામની સીમમાંથી પસાર થતો નેશનલ હાઇવે નંબર-૫૩ ઉપર તા.૨૭/૦૨/૨૦૨૩ નારોજ ટાટા કંપનીની એલ.પી.ટી ટ્રક નંબર એમેચ/૨૬/ડીઈ/૪૩૧૨ ના ચાલકે પોતાનું ટ્રક પુર ઝડપે અને ગફલત ભરી રીતે હંકારી લાવી ગૌતમભાઈ પ્રતાપભાઈ ગામીત (ઉ.વ.૨૬)રહે.કમલાપુર ગામ તા.ઉચ્છલ નાઓની કબ્જાની  હોન્ડા કંપનીની યુનિકોર્ન બાઈક નંબર જીજે/૨૬/એલ/૫૮૦૮ને પાછળથી ટક્કર મારી હતી. આ અકસ્માતમાં બાઈક ચાલક યુવક રોડ ઉપર નીચે પાડી  જતા તેના બન્ને પગે ગંભીર ઇજાઓ તથા શરીરે ઓછી વતી ઈજાઓ પહોંચતા સારવાર અર્થે ખસેડવામાં આવ્યો હતો જોકે સારવાર દરમ્યાન ગૌતમભાઈ ગામીતનું મોત નિપજ્યું હતું.

બનાવ અંગે ઈસાકભાઈ યશવંતભાઇ ચૌધરી રહે.મોગલબારા ગામ નિશાળ ફળીયું તા.ઉચ્છલ નાઓની ફરિયાદના આધારે ઉચ્છલ પોલીસ મથકે ટ્રક ચાલક સામે ગુનો દાખલ કરવામાં આવ્યો છે.