સોનગઢ-ઉકાઈ માર્ગ પર અજાણ્યા ડમ્પર અડફેટે ૩૭ વર્ષીય બાઈક ચાલક યુવકનું ઘટના સ્થળ પર જ મોત નિપજ્યું હોવાનો બનાવ ઉકાઈ પોલીસ મથકે નોંધાયો છે.

મળતી માહિતી મુજબ સોનગઢ ઉકાઈ માર્ગ પર આવેલ ગુણસદા ગામ નજીકની આદર્શનગર સોસાયટી પાસેના રોડ ઉપર બુધવારની મોડી સાંજે પુરપાટ ઝડપે દોડતા કોઈ એક અજાણ્યો ડમ્પરના ચાલકે મોટર સાયકલ નંબર જીજે/૨૬/આર/૬૪૨૫ને ટક્કર મારતા બાઈક ચાલક રવીન્દ્રભાઈ નિમ્બાભાઈ પવાર (ઉ.વ.૩૭) રહે. સીપીએમ કોલોની તા.સોનગઢ નાને માથાના ભાગે ગંભીર ઈજા પહોંચતા સ્થળ પર જ કમકમાટીભર્યું મોત નિપજ્યું હતું.

બનાવની જાણ થતા ઉકાઈ પોલીસ સ્ટાફનો અકસ્માત સ્થળે દોડી આવ્યો હતો બાદમાં દીપકભાઈ રમણભાઈ પંચાલ રહે, રાણીઆંબા ગામ મંદિર ફળિયું તા.સોનગઢ નાની ફરિયાદના આધારે ઉકાઈ પોલીસે અજાણ્યા ડમ્પર ચાલક વિરુદ્ધ ગુનો નોંધી વધુ તપાસ હાથ ધરી હતી.