ઉકાઈના વર્કશોપ બજાર માંથી સુગંધી સંતરાની દેશીદારૂની બાટલીઓ સાથે એક મહિલાને ઉકાઈ પોલીસએ ઝડપી પાડી હતી.

મળતી માહિતી અનુસાર સોનગઢ તાલુકાના ઉકાઈ પોલીસ સ્ટાફના માણસોને મળેલ બાતમીના આધારે રવિવારે ઉકાઈના વર્કશોપ બજારમાં રેડ કરી હતી રેડ દરમિયાન પ્રતિભાબેન સુનીલભાઈ પાટીલ નામની મહિલાએ તેના ઘરની સામે આવેલ એક ખંડેરમાં વેચાણ અર્થે સંતાડી મુકલે સુગંધી સંતરાની દેશીદારૂની કુલ બાટલીઓ નંગ 7 ના પ્રોહી મુદ્દામાલ સાથે પ્રતિભાબેન પાટીલને ઝડપી પાડવામાં આવી હતી.બનાવ અંગે પોલીસકર્મીની ફરિયાદના આધારે પ્રતિભાબેન પાટીલ સામે કાયદેસરની કાર્યવાહી હાથ ધરવામાં આવી હતી.