ઉચ્છલના પાંખરી ગામના વિસ્તારમાંથી આજરોજ દારૂની 105 બાટલો સાથે એક મહિલાને જિલ્લા એલસીબીએ ઝડપી પાડી મહિલા વિરુદ્ધ કાયદેસરની કાર્યવાહી હાથ ધરી હતી.

 

 

 

 

જિલ્લા એલસીબી પોલીસ સ્ટાફના માણસો શનિવારે બપોરે ઉચ્છલ પોલીસ સ્ટેશનના વિસ્તારમાં પેટ્રોલિંગમાં હતા તે દરમિયાન સ્ટાફના માણસોને મળેલ બાતમીના આધારે પાંખરી ગામના નિશાળ ફળીયામાં આવેલ ઘરમાં રેઇડ કરી હતી. રેઇડ દરમિયાન તપાસ કરતા ઘરના એક ખૂણામાં ખાખી પુઠ્ઠાના બોક્સ અને કાપડની થેલીમાંથી ઈંગ્લીશદારૂની અલગ અલગ બ્રાંડની કુલ બોટલો નંગ-105 ના પ્રોહી મુદ્દામાલ સાથે મુન્નાબેન અર્જુનભાઈ ગામીત નામની મહિલાને જિલ્લા એલસીબી પોલીસની રેઇડમાં ઝડપી પાડવામાં આવી હતી.

 

 

 

 

બનાવ અંગે પોલીસ કોન્સ્ટેબલ પ્રકાશભાઈની ફરિયાદના આધારે રૂપિયા 8,100/-નો ઈંગ્લીશ દારૂનો મુદ્દામાલ કબજે કરી મુન્નાબેન ગામીત સામે કાયદેસરની કાર્યવાહી હાથ ધરવામાં આવી હતી.(મનિષા સૂર્યવંશી દ્વારા વ્યારા )