કામરેજનાં કઠોદરા ગામે રહેતી સૌરાષ્ટ્રવાસી પરિણીતાને સંતાનમાં પુત્ર નહીં હોવાથી હતાશ થઈ ગળે ફાંસો ખાઈ આત્મહત્યા કરી લેતા બે માસુમ બાળાઓએ માતાની છત્રછાયા ગુમાવી દીધી હતી. સુત્રો પાસેથી મળતી માહિતી મુજબ, નયનાબેન દિનેશભાઈ ગોહિલ (રહે.દાદાગીર ગૌશાળામાં આવેલા પતરાનાં રૂમમાં કઠોદરા ગામ તા.કામરેજ, જિ.સુરત., મુળ રહે.ગાધકડા, જિ.અમરેલી)ને બે પુત્રી છે. જેમને સંતાનમાં પુત્ર ન હોવાથી હંમેશા હતાશ રહેતા હતા. તેણે દોરડુ પંખામાં બાંધી ગળે ફાંસો ખાઇ આત્મહત્યા કરી લીધી હતી. જોકે સમગ્ર બનાવની જાણ પરીવારજનોને થતા નયનાબેનને તાત્કાલીક ધોરણે સારવાર અર્થે નજીકની હોસ્પિટલ ખાતે લઈ ગયા હતા. જયાં ડોક્ટરોએ નયનાબેનને મૃત ઘોષીત કર્યા હતા. બનાવ અંગે પરીવારે જાણ કરતા કામરેજ પોલીસે ગુનો નોંધી આગળની તપાસ હાથ ધરી હતી.