ભરૂચ જિલ્લામાં ઉચ્ચ અધિકારીઓ તરફથી જિલ્લામાં નાસતા ફરતા અને વોન્ટેડ આરોપીઓને ઝડપી લેવા જિલ્લાના પોલીસ વિભાગને સુચનાઓ આપવામાં આવેલ અને તેના અનુસંધાને પેરોલ ફર્લો જમ્પ ફરારી તથા નાસતા ફરતા આરાપીઓને પકડવા માટે સ્પેશિયલ ડ્રાઇવ રાખી હતી. તે અંતર્ગત ભરૂચ પેરોલ ફર્લો સ્કોડની ટીમના માણસો જિલ્લામાં વિવિધ ગુનાઓમાં નાસતા ફરતા તથા વોન્ટેડ આરોપીઓને ઝડપી લેવા ઝઘડિયા વિસ્તારમાં પેટ્રોલીંગમાં હતા. તે દરમિયાન મળેલ બાતમીના આધારે ઝઘડિયા પોલીસ મથકમાં નંધાયેલ પ્રોહિબિશનના ગુનામાં પોલીસ પકડથી દુર રહી નાસતા ફરતા આરોપી જયેશભાઇ બાલુભાઇ વસાવા (રહે.ગામ નાનાસાંજા, પંચાયત ફળીયું, તા.ઝઘડિયા, જિ.ભરૂચ)નાને ગતરોજ તા.10 મીના રોજ નાનાસાંજા ગામેથી ઝડપી લીધો હતો. ત્યારબાદ આ ઝડપાયેલ ઇસમને આગળની કાર્યવાહી માટે ઝઘડિયા પોલીસને સોંપ્યો હતો.