મનિષા એસ.સુર્યવંશી / વ્યારા સોનગઢના હાથી ફળીયામાંથી દારૂના ગુનામાં નાસતો ફરતો વોન્ટેડ આરોપીને ઝડપી પાડવામાં તાપી જિલ્લા એલસીબી અને પેરોલ ફર્લો સ્કોર્ડની ટીમને સફળતા મળી છે.

મળતી માહિતી મુજબ તાપી જિલ્લા એલસીબી પોલીસ સ્ટાફના માણસો તા.૦૨/૦૬/૨૦૨૩ નારોજ સોનગઢ પોલીસ સ્ટેશનના વિસ્તારમાં પેટ્રોલિંગમાં હતા તે દરમિયાન બાતમી મળી હતી કે, સુરતના સારોલી પોલીસ સ્ટેશનમાં નોંધાયેલ દારૂના ગુન્હાનો નાસતો ફરતો વોન્ટેડ આરોપી જયેશભાઈ શંકરભાઈ રાઠોડ રહે,હાથી ફળિયું તા.સોનગઢ નાનો પોતાના ઘરે આવ્યો હોવાની બાતમી મળી હતી, જે બાતમીના આધારે જિલ્લા એલસીબી અને પેરોલ ફર્લો સ્કોર્ડની ટીમ માણસોએ આરોપી જયેશભાઈ રાઠોડને તેના ઘરેથી ઝડપી પાડી કાયદેસરની કાર્યવાહી હાથ ધરી હતી.