મનિષા એસ. સુર્યવંશી/તાપી : ઉચ્છલનાં સાકરદા ગામનાં સોનગઢ-નવાપુર હાઈવે પર ઉભેલ કન્ટેનર ટક્કર મારનાર ટ્રક ચાલકનું સારવાર દરમિયાન મોત નિપજ્યું હતું. મળતી માહિતી મુજબ, મૂળ તમિલનાડુનાં સેલમ જિલ્લાનાં મનવલ ખાતે રહેતા દિનેશભાઈ પલાનીઆન્ડી (ઉ.વ.37)નાંઓ ગુરૂવારનાં રોજ રાત્રિના આશરે બારેક બગ્યાના અરસામાં પોતાના કબ્જાનો અશોક લેલન ટ્રક નંબર TN/28/BA/9924ને સોનગઢ-નવાપુર હાઈવે પર સાકરદા ગામ પાસે આવેલ ફોરેસ્ટ ચેક પોસ્ટ સામે પોતાની ટ્રક પુરઝડપે અને ગફલતભરી રીતે હંકારી લાવી સાઈડમાં રહેલ કન્ટેનર સાથે અથડાવતા અકસ્માત સર્જાયો હતો, જોકે આ અકસ્માતમાં ચાલક દિનેશભાઈને માથાના ભાગે, ડાબી આંખ ઉપરના ભાગે, છાતીનાં ભાગે અને બંને પગે ગંભીર ઈજા પહોંચાત તેમનું સારવાર દરમિયાન મોત નિપજ્યું હતું. બનાવ અંગે ઉચ્છલ પોલીસે શુક્રવારનાં રોજ ગુનો નોંધી આગળની વધુ તપાસ હાથ ધરી હતી.