નર્મદાનાં તિલકવાડા તાલુકાનાં ગેગડીયા ગામ પાસે બાઈક લઈને જતા યુવાન પર ઝાડ પડતા તેનું મોત થયું હતું. સુત્રો પાસેથી મળતી માહિતી અનુસાર, શૈલેષ જશવંતભાઇ બારીયા (ઉ.વ.25, રહે. ગોલાતલાવડી તા.તિલકવાડા) સવારે ગેગડીયા નજીકથી બાઇક ઉપર પસાર થતો હતો. તે દરમિયાન ઝાડ પડતા તેમના માથાનાં ભાગે ઇજા થતા તેમને અવધુત હોસ્પીટલ વડોદરા ખાતે સારવાર અર્થે દાખલ કર્યા હતા. જ્યાં સારવાર દરમિયાન તેમનું મોત નીપજતાં પોલીસે અકસ્માત મોતનો ગુનો નોંધી તપાસ હાથ ધરી હતી.