મનિષા એસ.સુર્યવંશી/તાપી : સોનગઢના ટોકરવા ગામના માર્ગેથી ગેરકાયદેસર રીતે ગૌવંશ ભરી લઇ જતો એક ટેમ્પો ઝડપી પાડી ૩ ગાયોને ગૌ રક્ષકોની મદદથી ઉગારી લેવામાં આવી હતી,જોકે આરોપીઓ નાશી છુટ્યા હતા.

મળતી માહિતી મુજબ સોનગઢ તાલુકાના ટોકરવા ગામના માર્ગે આજરોજ વહેલી સવારે ગૌવંશ ભરી લઇ જતો એક ટેમ્પો ગૌ રક્ષકોએ ઝડપી પાડ્યો હતો, જે બાદ ગૌ રક્ષકોએ તાપી પોલીસ કંટ્રોલને જાણ કરતા સોનગઢ પોલીસને વર્દી મળી હતી,બનાવ સ્થળ પર પહોંચેલી પોલીસે તપાસ હાથ ધરતા ટેમ્પોમાં ત્રણેય ગાયોને ટૂંકી દોરી વડે બાંધી,ખીચોખીચ રીતે ભરેલ હાલતમાં મળી આવી હતી. જેને ખાવા માટે કોઈ ઘાસચારો કે પીવાના પાણીની વ્યવસ્થા વિના રાજ્ય બહાર લઇ જતા હોવાનું જાણવા મળ્યું છે, ગૌ રક્ષકોની મદદથી ટેમ્પોમાંથી મળી આવેલ ત્રણ ગાયોને ઉગારી લેવામાં આવી હતી. જોકે આરોપીઓ નાશી જવામાં સફળ રહ્યા છે,બનાવ અંગે પોલીસકર્મી ભાવસીંગભાઈ વસાવાની ફરિયાદના આધારે ટેમ્પો ચાલક વિરુદ્ધ પશુ ઘાતકીપણા હેઠળની વિવિધ કલમો મુજબ ગુનો નોંધી આગળની વધુ તપાસ હાથ ધરવામાં આવી છે.