પોલીસ સ્ટાફના માણસોને મળેલ બાતમીના આધારે પોલીસે સોનગઢના લીંબી ગામ ની સીમમાં હિંદુસ્તાન બ્રિજ પાસે ઉકાઈ માંડવી રોડ પર વોચ ગોઠવતાં બાતમી પ્રમાણેનો ટેમ્પો નંબર જીજે/૦૨/એક્સએક્સ/૫૦૦૪ મળી આવ્યો હતો.ટેમ્પો માં તપાસ કરતાં તેમાં ખીચોખીચ સ્થિતિ માં ભરવા માં આવેલી ૦૯ ભેંસ અને ૦૧પાડી મળી આવી હતી.

આ અંગે ટેમ્પો ચાલક પાસે કોઈ જાત ની પરવાનગી મળી ન હતી.પોલીસે ટેમ્પો માંથી મળી આવેલા સહજાદ મહેબૂબ મુલતાની અને તાહિર મુન્ના મુલતાની બંને રહે.મુલતાની ફળિયું ઝંખવાવ જી.સુરત ની અટક કરી પૂછપરછ કરતાં સદર ભેંસો ઝંખવાવ ના સલ્લુ ઉર્ફે સાહિલ સઇદ મુલતાની એ નવાપુર ના જુદા જુદા ગામો માંથી ભરાવી હતી અને ઝંખવાવ લઈ ને આવવા નું કામ ચાલક ને સોંપ્યું હતું.પોલીસે ૫૦ હજારની કિંમત ની ૧૦ ભેંસ અને ટેમ્પો તથા ત્રણ મોબાઈલ મળી કુલ રૂ.૨,૬૦,૦૦૦/- નો મુદ્દામાલ સીઝ કરી સલ્લુ ઉર્ફે સાહિલ ને વોન્ટેડ જાહેર કર્યો હતો.