વાપી જી.આઇ.ડી.સી.ની એક પેપર મિલ કંપનીમાં બપોરના સમયે અચાનક પેપરના બંડલોમાં આગ લાગતા દોડધામ મચી જવા પામી હતી. જોકે ફાયરના જવાનોએ સાડા ત્રણ કલાકે ભારે જહેમત બાદ આગ ઉપર કાબૂ મેળવી લીધો હતો. બનાવની વિગત એવી છે કે, વાપી જી.આઇ.ડી.સી. ફોર્ટી શેડ વિસ્તારમાં આવેલ ગજાનંદ પેપર મિલમાં ગતરોજ બપોરે 4 કલાકે અંદર મૂકેલા પેપરના બંડલોમાં અચાનક આગ ફાટી નીકળી હતી. જેને લઇ કામદારોમાં દોડધામ મચી હતી.

જોકે આગની જાણ જી.આઇ.ડી.સી. ફાયર વિભાગને કરતા તેઓ તાત્કાલિક ઘટના સ્થળે દોડી ગયા હતા અને આગ ઉપર કાબૂ મેળવવાનો પ્રયાસ કર્યો હતો અને ભારે જહેમત બાદ રાતના 7.30 કલાકે આગ ઉપર કાબૂ મેળવી લેતા લોકોએ હાશકારો અનુભવ્યો હતો. જોકે આ આગમાં કોઈ પણ પ્રકારની જન હાની થઈ ન હતી.

​