ભારતીય-અમેરિકન કોંગ્રેસમેન થાનેદારની આગેવાની હેઠળ, અમેરિકી ધારાશાસ્ત્રીઓના જૂથે ભારતના સ્વતંત્રતા દિવસને વિશ્વની બે સૌથી મોટી લોકશાહીઓના રાષ્ટ્રીય દિવસની ઉજવણીના રાષ્ટ્રીય દિવસ તરીકે જાહેર કરવા માટે હાઉસ ઓફ રિપ્રેઝન્ટેટિવ્સમાં ઠરાવ રજૂ કર્યો છે. થાનેદાર દ્વારા રજૂ કરાયેલ અને કોંગ્રેસમેન બડી કાર્ટર અને બ્રાડ શર્મન દ્વારા સહ-પ્રાયોજિત, આ ઠરાવ 15 ઓગસ્ટ, ભારતના સ્વતંત્રતા દિવસને વિશ્વની બે સૌથી મોટી લોકશાહીઓના રાષ્ટ્રીય દિવસની ઉજવણી તરીકે જાહેર કરવા માંગે છે.

આ પ્રસ્તાવમાં એવી નોંધ કરવામાં આવી છે કે 22 જૂનના રોજ વડાપ્રધાન નરેન્દ્ર મોદીની યુનાઇટેડ સ્ટેટ્સની સત્તાવાર મુલાકાતે હતા.એ સમયે બંને દેશો સમાન હિતો અને સ્વતંત્રતા, લોકશાહી, બહુમતીવાદ, કાયદાના શાસન અને સહિયારી પ્રતિબદ્ધતાઓના આધારે વિશ્વાસ અને પરસ્પર સમજણને એક નવા ઊંચા સ્તરે લઇ ગયા હતા.આ ઠરાવમાં એવો વિશ્વાસ વ્યક્ત કરવામાં આવ્યો છે કે સંયુક્ત લોકશાહી મૂલ્યો સાથે જોડાયેલા યુનાઇટેડ સ્ટેટ્સ અને ભારત વચ્ચેની મજબૂત ભાગીદારી વૈશ્વિક લોકશાહીને આગળ વધારશે અને તમામ રાષ્ટ્રો માટે શાંતિ, સ્થિરતા અને સમૃદ્ધિને પ્રોત્સાહન આપશે.

ભારતીય વારસો ધરાવતા અમેરિકનો સરકારી અધિકારીઓ,લશ્કરી કર્મચારીઓ અને કાયદા અમલીકરણ અધિકારીઓ તરીકે યુનાઇટેડ સ્ટેટ્સમાં યુએસ બંધારણના સિદ્ધાંતોનું પાલન કરે છે.તેઓ દેશની વિવિધતાને સમૃદ્ધ બનાવવામાં મહત્વપૂર્ણ યોગદાન આપે છે.આ ઉપરાંત પ્રસ્તાવમાં એવું પણ કહેવામાં આવ્યું છે કે ભારતનો સ્વતંત્રતા દિવસ અમેરિકામાં રહેતા ભારતીયો સાથે ઉજવવો જરૂરી અને મહત્વપૂર્ણ છે, કારણ કે લોકતાંત્રિક સિદ્ધાંતોની પુનઃપુષ્ટિ કરવા માટે બંને રાષ્ટ્રનો જન્મ થયો..