નવસારી જિલ્લાનાં ખેરગામ પોલીસ મથકનાં પી.એસ.આઈ.ની આગેવાનીમાં ખેરગામ પોસ્ટ ઓફિસ પાસેથી તારીખ 22 જૂને ઝેરી ડ્રગ્સ વિરોધી રેલીનું આયોજન કરવામાં આવ્યું હતું. રેલી મેઈન બજાર, ઝંડા ચોક, મહાત્મા ગાંધી સકલ, બાબા સાહેબ આંબેડકર સર્કલથી જનતા મીલ બજાર વિસ્તારમાં ફરી હતી. જેમાં તમામ પોલીસ કર્મીઓ, તાલુકા પંચાયતના પ્રમુખ, ન્યાય સમિતિના અધ્યક્ષ, ઉપપ્રમુખ, મહિલા મોરચાના પ્રમુખ, યુવા પ્રમુખ, ખેરગામ ગ્રામ પંચાયતના ઉપસરપંચ, કેટલાક ગામોમાં સરપંચો અને વેપારી અગ્રણીઓ, વિગેરે ઉત્સાહભેર જોડાયા હતા.