મહારાષ્ટ્રના શિરપુરથી બારડોલી આવતી શાકભાજી ભરેલ પિકઅપ વાનમાંથી દારૂનો જથ્થો કોબીજના કોથડામા સંતાડીને હેરાફેરી કરતો રૂપિયા 81600/- ની કિંમતનો દારૂ બારડોલી પોલીસે ઝડપી પાડ્યો હતો.

 

 

 

સૂત્રો પાસેથી  મળતી માહિતી અનુસાર બારડોલીના રામજી મંદિર નજીક મીંઢોળા નદી ઉપર લો લેવલ બ્રિજની સામે આવેલ ચાંદપીર દરગાહ નજીકના રસ્તા ઉપર પોલીસને મળેલ બાતમીના આધારે પોલીસની ટીમે વોચ ગોઠવી અલગ અલગ 40 કોબીજના કોથળામાંથી કુલ 816 દારૂની બોટલો પકડી પાડી હતી.

 

 

જેની કીંમત રૂપિયા 81600/- સાથે પિકઅપ વાન પકડી પોલીસે કુલ રૂપિયા 2,90,600/- નો મુદ્દામાલ કબજે લઈ ટેમ્પોના ચાલક છગન ઉર્ફે પ્રદીપ સંતોષ પાવર (રહે.ઉરવાદ તા.શિરપુર જી. ધૂળે) તથા વિજય એકનાથ ભીલ (રહે.ઉરવાદ તા.શિરપુર જી. ધૂળે)ની અટકાયત કરી હતી. પોલીસે બુટલેગરની પૂછપરછ કરતા  દારૂ ભરનાર દિનેશ નામના બે મોબાઈલ નંબર ધરાતા શિરપુરના શખ્સને વોન્ડેડ જાહેર કરી પોલીસે વધુ કાર્યવાહી હાથ ધરી છે.