વ્યારાના ડોલારા ગામે ખેડૂતોની મોટા કદની સેવા સહકારી મંડળીના મેનેજરનો બે જણાએ કોલર પકડી જાનથી મારી નાંખવાની ધમકી આપી હોવાની ફરિયાદ વ્યારા પોલીસ ચોપડે નોંધાઈ છે.

મળતી માહિતી મુજબ વ્યારાના ડોલારા ગામના તાડ ફળિયામાં રહેતા અને ખેડૂતોની મોટા કદની સેવા સહકારી મંડળીમાં મેનેજર તરીકે ફરજ બજાવતા મોહનભાઇ ચેમટીયાભાઇ ગામીત નાઓ તા.૩૧મી ડીસેમ્બર ૨૦૨૧ નારોજ ડોલારા ત્રણ રસ્તા પાસે આવેલ સુરત ડીસ્ટ્રીક્ટ કો.ઓપરેટીવ બેન્કની બાજુમાં  આવેલ મંડળીમાં હતા તે દરમિયાન નરેશભાઇ વિરજીભાઇ ગામીત અને રવિન્દ્રભાઇ નરેશભાઇ બંને રહે,ડોલારા ગામ,તાડફળીય તા-વ્યારા નાઓના ઓફીસ પાસે આવી નરેશભાઇએ મોહનભાઈ ગામીતને જણાવેલ કે, ગઈકાલે સાંજે હજામની દુકાને તમે મારા છોકરાનો કોલર કેમ પકડેલ ? તેમ કહી નરેશ અને રવીન્દ્રએ નાલાયક ગાળો આપી જાનથી મારી નાંખવાની ધમકીઓ આપી હોવાની ફરિયાદ મંડળીના મેનેજર મોહનભાઈએ વ્યારા પોલીસ મથકે નોંધાવી હતી.