સોનગઢના સાંઢકુવા ગામે ઘર આંગણે પાર્ક કરવામાં આવેલ પીકઅપ ટેમ્પો કોઈ અજાણ્યા ચોર ઈસમો લઇ નાશી છુટ્યા હોવાનો બનાવ પ્રકાશમાં આવ્યો છે.

મળતી માહિતી અનુસાર સોનગઢ તાલુકાના સાંઢકુવા ગામના ઉપલું ફળીયામાં રહેતા દિનેશભાઈ શાંતુભાઇ ગામીતએ ગતરોજ સાંજે પોતાના ઘર આંગણે પાર્ક કરેલ બોલેરો પીકઅપ ટેમ્પો નંબર જીજે/૨૬/ટી/૦૮૦૫ ની કોઈ અજાણ્યા ઈસમોએ મોડીરાત્રે ચોરી કરી લઇ નાશી ગયા હતા. વાહનના ઓરીજનલ કાગળો અને જરૂરી દસ્તાવેજો પણ ટેમ્પોમાં જ હતા.દિનેશભાઈ ગામીતએ તેમના ઘરની બાજુમાં આવેલ ઈંગ્લીશ મીડીયમ સ્કુલના સીસીટીવી કેમેરા પણ ચેક કર્યા હતા જોકે વરસાદના કારણે સીસીટીવી કેમેરા બંદ હતા. બનાવ અંગે દિનેશભાઈ પોલીસ મથકે અરજી કરી હોવાનું જાણવા મળ્યું છે.