સોનગઢના નજીક મહારાષ્ટ્ર રાજ્યની હદને અડીને આવેલ લક્કડકોટ ગામ માંથી બુધિયા ગામીતના ઠેકા પરથી વ્યારા લઇ જવાતો ઈંગ્લીશદારુના જથ્થા સાથે ખુટાડીયા ગામના શખ્સને ઝડપી પાડી ઈંગ્લીશદારુ અને મોપેડ મળી કુલ રૂપિયા ૩૪,૩૦૦/-નો મુદ્દામાલ કબજે કરવામાં આવ્યો છે,

મળતી માહિતી મુજબ સોનગઢ પોલીસ સ્ટાફના માણસોને મળેલ બાતમીના આધારે આજરોજ સવારે સોનગઢના ચાંપાવાડી ગામથી રાણીઆંબા ગામ તરફ જતા માર્ગ પરથી એક એકટીવા મોપેડ ગાડી નંબર જીજે/૨૬/કે/૦૯૫૮ ને ઝડપી પાડી તેના ચાલકની પૂછપરછ કરતા અર્પિતભાઈ અજીતભાઈ ગામીત રહે, ખુટાડીયા ગામ પારસી ફળિયું તા.વ્યારા નાનો હોવાન જણાવ્યું હતું. તપાસ કરતા મોપેડની ડીકી અને આગળ મુકેલ એક થેલા માંથી ઈંગ્લીશદારૂની કુલ બાટલીઓ નંગ-૧૯૧ જેની કિંમત રૂપિયા ૧૪,૩૦૦/- નો પ્રોહી મુદ્દામાલ મળી આવ્યો હતો, દારૂના જથ્થા સાથે પકડાયેલા શખ્સની વધુ પૂછપરછ કરતા સોનગઢ નજીક મહારાષ્ટ્રના લક્કડકોટનો બુધિયા રાજ્યાભાઈ ગામીત નાઓના ઠેકા પરથી દારુનો જથ્થો લઇ આવી વ્યારાના ખુટાડીયા ગામના પારસી ફળીયામાં રહેતો અરૂભાઈ ભીલને દારુ આપવામાં જતો હોવાનું જાણવા મળ્યું હતું, જેઓને વોન્ટેડ જાહેર કરવામાં આવ્યા છે, બનાવ અંગે પોલીસકર્મીની ફરિયાદના આધારે ઈંગ્લીશદારૂનો જથ્થો અને મોપેડ ગાડી મળી કુલ રૂપિયા ૩૪,૩૦૦/-નો મુદ્દામાલ કર્યો હતો.