કામરેજનાં ખોલવડ ગામે ૧૪ વર્ષીય પરપ્રાંતિય સગીરે ગળે ફાંસો ખાઈ આપઘાત કરી લેતાં કામરેજ પોલીસ મથકે ગુનો નોંધાયો હતો.

મળતી માહિતી મુજબ, કામરેજનાં ખોલવડ ગામે અમૃત ઉદ્યોગનગરમાં પ્લોટનાં પાંચમાં માળે રૂમ નં.૧૫માં રહેતો અને મુળ પશ્ચિમ બંગાળનાં ઉતરદીનાજપુર જિલ્લાનાં પકારગાંચ ગામનો ૧૪ વર્ષીય ઈમરાન અલી અક્રમુલ હોકે પોતાનાં વતનથી છુટક કામ શીખવા માટે ખોલવડ ખાતે આવ્યો હતો. જોકે ઈમરાન અલી ખોલવડ ખાતે ઉપરોક્ત સરનામે ઘરે હાજર હતો. જે દરમ્યાન ઈમરાન અલીએ કોઈક કારણોસર પતરાનાં ડબ્બા ઉપર ઉભો રહીને રૂમની છત પર લગાવવામાં આવેલી એંગલ સાથે ટૂવાલ બાંધી અગમ્ય કારણોસર ફાંસો ખાઈ જીવતર ટુંકાવી લીધું હતુ. ઘટના અંગે કામરેજ પોલીસને જાણ કરવામાં આવતા હાલ પોલીસે ગુનો નોંધી તપાસ હાથ ધરી હતી.