મનિષા એસ. સુર્યવંશી/વ્યારા : વાલોડનાં દાદરિયા ગામે આવેલ દાદરિયા સુગર ફેકટરીનાં ગેટની સામે રોડ ઉપર એક અજાણ્યા કાર ચાલકે બાઈક ચાલકને અડફેટે લેતાં હથુકા ગામનાં આધેડનું સારવાર દરમિયાન મોત નીપજ્યું હતું.

મળતી માહિતી મુજબ,વાલોડ તાલુકાનાં હથુકા ગામનાં પટેલ ફળિયામાં રહેતા શંકરભાઈ પરસોત્તમભાઈ પટેલ (ઉ.વ.63) નાઓ સોમવારનાં રોજ મોડી સાંજે પોતાના કબ્જાની બજાજ પ્લેટીનાં બાઈક નંબર GJ/26/M/1477 લઈ દાદરીયા સુગર ફેક્ટરીનાં ગેટની સામે રોડ ક્રોસ કરતા હતા. તે સમયે વેગેનાર કાર નંબર GJ/05/RA/9632નાં ચાલકે પોતાની વેગેનાર કાર પૂરઝડપે અને ગફલતભરી રીતે હંકારી લાવી શંકરભાઈ પટેલનાંની બાઈકને ટક્કર મારી અકસ્માત સર્જ્યો હતો. જોકે આ અકસ્માતમાં શંકરભાઈને માથાનાં ભાગે ગંભીર ઈજા તેમજ જમણા પગે ફેક્ચર થતાં અને શરીર નાની-મોટી ઇજાઓ થતાં તેમનું સારવાર દરમિયાન મોત નીપજ્યું હતું. બનાવ અંગે જયકુમાર શંકરભાઈ પટેલ નાંએ વાલોડ પોલીસ મથકે કાર ચાલક વિરુદ્ધ ગુનો નોંધાવતા પોલીસે આગળની વધુ તપાસ હાથ ધરી હતી.