સોનગઢના રેલ્વે સ્ટેશન રોડ પર આવેલ મહારાજા અગ્રસેન ભવન ખાતે આજરોજ જિલ્લા પંચાયત વહીવટી તંત્ર, તાપી જિલ્લા પંચાયત આરોગ્ય વિભાગ, સોનગઢ તાલુકા આરોગ્ય વિભાગ તથા રોટરી કલબ-રોટરેકટ કલબ વ્યારા અને શ્રી અગ્રવાલ સમાજ ટ્રસ્ટના સંયુક્ત ઉપક્રમે મેગા બ્લડ ડોનેશન કેમ્પનું આયોજન કરવામાં આવ્યું હતું. આજના આ કેમ્પમાં 17 યુનીટ લોહી એકત્ર કરવામાં આવ્યું હતું. તેમજ દરેક રકતદાતાને બ્લડ બેંક તરફથી ફુડ પેકેટ, પ્રમાણ પત્ર તેમજ બ્લડ ગ્રુપ કાર્ડ અને રોટરી કલબ તરફથી પ્રમાણપત્ર એનાયત કરવામાં આવ્યા હતા.