બારડોલીના ગાંધી રોડ પર આવેલા આશિયાના નગરમાં અલફલા એપાર્ટમેન્ટની નીચે જાહેરમાં વરલી મટકાનો જુગાર રમાડી રહેલા એકને પોલીસે ઝડપી પાડી 10,450/-નો મુદ્દામાલ કબ્જે કર્યો હતો. જ્યારે અન્ય ત્રણ સ્થળ પરથી નાસી છૂટ્યા હતા.

બારડોલી પોલીસની ટીમે રાત્રે પેટ્રોલીંગમાં હતા તે સમય દરમિયાન મળેલ બાતમીના આધારે ગાંધીરોડ પર આવેલા આશિયાના નગરમાં અલફલા એપાર્ટમેંટની નીચે જાહેરમાં વરલી મટકાનો જુગારના અડ્ડા પર છાપો માર્યો હતો. પોલીસ સ્થળ પરથી સોયેબ હનીફ શેખ (રહે આશિયાના નગર, અલફલા એપાર્ટમેન્ટ)ની ધરપકડ કરી હતી. જ્યારે યોગી, હિતેશ ઉતરાણ તેમજ સકિલ સાડુ ખાટીકને વોન્ટેડ જાહેર કરવામાં આવ્યા હતા. પોલીસે જુગારના સાધનો સહીત રોકડા રૂપિયા 450 અને 1 નંગ મોબાઇલ કિમત રૂપિયા 10 હજાર એમ કુલ મળી 10,450/-નો મુદ્દામાલ કબ્જે કરી આગળ કાર્યવાહી હાથ ધરી હતી.