સોનગઢ : સુરત રેંજ આઈજીની ટીમ ઓપરેશન ગ્રુપને મળેલ બાતમીના આધારે આજરોજ સોનગઢ તાલુકાના રાણીઆંબા ગામની ડેરી નજીકથી એક એકટીવા ગાડી નંબર જીજે/26/એફ/7521 ને ઝડપી પાડી હતી.

તપાસ દરમિયાન એકટીવા ગાડીનો ચાલક સુનીલભાઈ ગમનભાઈ ગામીત રહે. ગાળકુવા,દિલ્હી ફળિયું-સોનગઢ નાનો ઈંગ્લીશદારૂનો જથ્થો વિસ્કી બોટલ નંગ 336 જેની કિંમત રૂપિયા 16,800/- ના દારૂના મુદ્દામાલ સાથે ઝડપાઈ ગયો હતો. તેની પૂછ પરછમાં ખેખડા ગામના એક ઈસમે દારૂ ભરી આપ્યો હોવાનું જણાવ્યું હતું.

બનાવ અંગે હેડકોન્સ્ટેબલ બીપીનભાઈ રમેશભાઈ ની ફરિયાદના આધારે દારૂ અને એકટીવા ગાડી મળી કુલ રૂપિયા 37,300/-નો મુદ્દામાલ કબજે કરી આરોપીઓ વિરુદ્ધ સોનગઢ પોલીસ મથકે ગુનો દાખલ કરવામાં આવ્યો છે.