ચીખલીનાં બારોલીયા ગામમાંથી લગ્ન પ્રસંગમાંથી ઘરે જતાં સમયે મોપેડ સ્લીપ થતાં ગણદેવીના ધનોરી ગામના રહીશનું ઘટના સ્થળ ઉપર જ કમકમાટી ભર્યું મોત થયું હતું.

મળતી માહિતી મુજબ, ગણદેવીના ધનોરી ગામના માહ્યાવંશી મહોલ્લામાં રહેતા શિવમ ઠાકોરભાઈ રાઠોડ તેના મિત્રની મોપેડ લઈ ચીખલીના બારોલીયા ગામે લગ્ન પ્રસંગમાં ગયો હતો. ત્યાંથી ઘરે પરત જતી વેળા સુથવાડ પાટિયાથી ચાસા જતા રોડ ઉપર પીર ફળિયા પાસે મોપેડ સ્લીપ થતા શિવમને ગંભીર ઈજા થતાં તેનું સ્થળ ઉપર જ કમકમાટી ભર્યું મોત નીપજ્યું હતું. અકસ્માત અંગે મૃતકના ભાઈ ભાવિન ઠાકોરભાઈ રાઠોડે ફરિયાદ આપતા પોલીસે અકસ્માત મોતનો ગુનો નોંધી પોલીસે વધુ તપાસ હાથ ધરી હતી.