ડોલવણનાં વરજાખણ ગામમાંથી આશરે ૮ ફૂટ લાંબો અજગરને પકડી લેવામાં રેસ્ક્યુ ટીમને સફળતા મળી છે. ડોલવણ તાલુકાના વરજાખણ ગામનાં રહેવાસી ભદૂરભાઈ ખંડુભાઈ ચૌધરી નાઓ બંગલી ફળિયામાં પોતાની માલિકીની જમીનમાં જેસીબી મશીન દ્વારા સોમવાર નારોજ ખોદકામ કરાવી રહ્યા હતા.

તે દરમિયાન અચાનક એક અજગર પર નજર પડતા ભદુરભાઈએ અનિલભાઈ ચૌધરી તથા ધર્મેશભાઈ ચૌધરી નાઓને જાણ કરી મદદ માગી હતી. કોલ મળતા જ અનિલભાઈ અને ધર્મેશભાઈ સ્થળ પર પહોચી અજગરનું રેસ્ક્યું કર્યું હતું. પકડાયેલો અજગર આશરે ૮ ફૂટ લાંબો અને ૧૨ કિગ્રા જેટલું વજન ધરાવતો હોવાનું જાણવા મળ્યું હતું. રેસ્ક્યુ ટીમે અજગરને પકડ્યા બાદ સુરક્ષિત રીતે જંગલ વિસ્તારમાં છોડવાની તજવીજ હાથ ધરી હતી.