રીંગરોડ માર્કેટ વિસ્તારમાં રાહદારી તેમજ વાહન ચાલકની ઍકદમ નજીક મોપેટ ચલાવી લાવી અક્સ્માતનો ઠોગ કરી વાતચીતમાં નજર ચુકવી તેમના ખિસ્સામાંથી રોકડા રૂપિયા ચોરી કરતા ટોળકીના ઍક સાગરીતને સચીન જીઆઈડીસી પોલીસે ઝડપી પાડ્યો છે. પ્રાથમિક પુછપરછમાં સલાબતપુરા પોલીસ મથકના ગુનાનો ભેદ ઉકેલાયો છે.

સચીન જીઆઈડીસી પોલીસના જણાવ્યા મુજબ પીઆઈ ઍમ.વી.તડવીની સુચના અને માર્ગદર્શન હેઠળ સર્વલન્સ સ્ટાફના  હેડ કોન્સ્ટેબલ પંકજ સુરેશચંદ્ર, ગુલાબ ભટ્ટભાઈ, દિપકકુમાર સહિતના માણસો નાસતા ફરતા આરોપીઓને શોધી કાઢવા માટે પેટ્રોલીંગમાં હતા.

તે દરમિયાન કોન્સ્ટેબલ રાજેશ પ્રભુભાઈ અને ભગવાન પ્રકાશરાવને મળેલી બાતમીના આધારે  સલાબતપુરા પોલીસ સ્ટેશન વિસ્તારમાં  મોપેટ ઉપર આવી રસ્તે જતા વાહન ચાલકની ઍકદમ નજીક મોપેટ લાવી અથડાવવાનો ઢોંગ કરી વાતચીનમાં નજર ચુકવી ખિસ્સામાંથી રોકડા રૂપિયાની ચોરી કરતી ટોળકીના નાસતા ફરતા જલીલ ઉર્ફે જલીયા સમદ યાસીન શેખ (રહે, ખ્વાજાનગર માનદરવાજા)ને ઝડપી પાડ્યો હતો.

જલીલની પુછપરછમાં સલાબતપુરા પોલીસ મથકના ગુનાની કબુલાત કરી હતી. પોલીસે જલીલની સીઆરપીસી કમલ ૨૧ (૧)મુજબ અટક કરી આગળની કાર્યવાહી હાથ ધરી છે.