ચીખલીમાં પાણીની ટાંકી સામે ખેરગામ રોડ ઉપર સાંજના સમયે વીજ કંપનીના ટ્રાન્સફોર્મરમાં અચાનક આગ લાગી જતા અફરાતફરીનો માહોલ સર્જાયો હતો અને ધુમાડાના ગોટેગોટા ફરી વળ્યાં હતા. ધડાકા સાથે ફાટી નીકળેલ આગને પગલે આસપાસના લોકોમાં ગભરાહતનો માહોલ સર્જાયો હતો.

આ ઘટના સ્થળે વીજ કંપની અને પોલીસનો સ્ટાફ ધસી આવ્યો હતો. સ્થાનિકો દ્વારા પાણીનો મારો ચલાવી આગને કાબુમાં લીધી હતી. જોકે, જાહેર માર્ગ ઉપર અચાનક ટ્રાન્સફોર્મરમાં આગથી એક સમયે અફરાતફરી મચી ગઇ હતી. પરંતુ સદનસીબે મોટી દુર્ઘટના ટળી હતી.