અમદાવાદનાં માણેક ચોક વિસ્તાર નજીક આગ લાગી હોવાની ઘટના સામે આવી છે. માણેક ચોક વિસ્તારમાં આવેલી સાંકડી શેરીમાં આગ લાગવાની જાણ થતાં ફાયર બ્રિગેડની ટીમ ઘટના સ્થળે પહોંચી ગઈ છે. સાંકડી શેરીમાં આવેલી ત્રણ માળની હેરીટેજ ઈમારતમાં આગ લાગતા નાસભાગ મચી છે. ઘટનાને પગલે ફાયર બ્રિગેડ વિભાગની 7 ગાડીઓ ઘટના સ્થળે પહોંચી ગઈ છે. શહેરનાં ખાણીપીણી માટેના જાણીતા પ્રખ્યાત માણેક ચોક વિસ્તારમાં આગ લાગતા નાસભાગ મચી છે.

અહીં સાંકડી શેરી પાસે આવેલા ત્રણ માળની ઈમારતમાં આગ લાગી છે. અમદાવાદના પોળોમાંથી એક માણેકચોક વિસ્તારના રસ્તાઓ નાના હોવાથી તેમજ અહીં વધુ ટ્રાફિક હોવાથી ફાયર બ્રિગેડની ગાડીઓ પહોંચવામાં પણ મુશ્કેલી પડી છે. હાલ ફાયર વિભાગની 7 ગાડીઓ ઘટના સ્થળે પહોંચી જઈને આગ બુઝાવવાની કામગીરી આરંભી દેવાઈ છે. ઉલ્લેખનિય છે કે, ગત વર્ષે તારીખ 11મી સપ્ટેમ્બરનાં રોજ માણેક ચોકમાં મકાન ધરાશાયી થયું હતું. આ ઘટના લાખા પટેલ પોળમાં બની હતી, જેમાં 2 લોકો ઈજાગ્રસ્ત થયા હતા.