નવસારીનાં સ્ટેશન વિસ્તારમાં આવેલી પ્રકાશ ટોકીઝની બાજુમાં શ્રીનાથ ડાયમંડ નામક ફેકટરીના બીજા માળે શોર્ટ સર્કિટના કારણે આગ લાગી ગઈ હતી. ત્યારે ત્યાં હાજર રહેલા વોચમેન તાત્કાલિક ફાયર-બ્રિગેડની ટીમને જાણ કરતા ફાયર-બ્રિગેડ ઘટના સ્થળ પર પહોચી આગને બુઝાવાની કામગીરી હાથ ધરી હતી. આ બનાવમાં બીજા માળે રહેલા ડોક્યુમેન્ટસ સહીત ફર્નિચર આગમાં બળીને ખાખ થઈ ગયું હતું. પરંતુ છેલ્લા 15 દિવસથી ફેકટરી બંધ હોવાથી જાનહાની ટળી હતી.