અમદાવાદ શહેરમાં વધુ એક આગ લાગવાની ઘટના બની હતી જેમાં વટવા GIDCમાં આવેલ અનાર કેમિકલ ફેક્ટરીમાં સવારે 7.30 વાગ્યાની આસપાસ આગ લાગી હતી. આ આગની ઘટનાની જાણ થતા જ ફાયર વિભાગની ટીમ ઘટના સ્થળે પહોંચી હતી. ફાયર વિભાગની ચાર ગાડીઓ ઘટના સ્થળે પહોંચીને પાણીનો મારો ચલાવીને આગ પર કાબૂ મેળવ્યો હતો. આ ઘટના ફેસ-1માં બની હતી. સુત્રોમાંથી મળતી માહિતી મુજબ આ આગ શોર્ટ સર્કિટથી લાગી હોવાનું જાણવા મળ્યુ હતું અને આ આગની ઘટનામાં કોઈ જાનહાની થઈ ન હતી. આ આગ લાગવાને પગલે આજુબાજુની ફેક્ટરીમાંથી લોકો ઘટનાસ્થળે દોડી ગયા હતા.