બારડોલી કાન ફળીયામાં બાલ મંદિર સામે રહેતા ઓમ ઉર્ફે ઉમેશ દીનેશભાઈ પટેલ (ઉ.વ.૧૮) ત્યાંથી પસાર થઈ રહ્યો હતો તે દરમિયાન જુની અદાવતમાં તેના પર ધ્રુવકુમાર અરવિંદભાઈ વસાવા અને તેની સાથેના વિવેકકુમાર મુકેશભાઈ રાઠોડ (બંને રહે.જોગી ફળીયા, બારડોલી)એ જુની અદાવતમાં ઓમ સાથે ઝઘડો શરૂ કર્યો હતો.

ધ્રુવકુમાર વસાવાએ સળીયો ઓમને માથાના ભાગે મારી દીધો હતો. વિવેક રાઠોડે હાથમાં પહેરેલુ કડુ ઓમ અને તેની સાથેના મિત્ર અભિષેકભાઈને માર્યુ હતું. પોલીસે ધ્રુવકુમાર અરવિંદ વસાવા અને વિવેક મુકેશ રાઠોડ વિરૂદ્ધ ગુનો દાખલ કર્યો હતો. બીજી તરફ ઓમ અને તેના મિત્ર સાગર બચુભાઈ ગામીત (રહે.માંગી ફળીયા બારડોલી)એ પણ વિવેક અને ધ્રુવને ગાળો આપી ઝઘડો કરીને ઢીક મુક્કીનો મારમારી ઈજાઓ પહોંચાડી હતી. પોલીસે ઓમ અને તેના મિત્ર સાગર વિરુદ્ધ ગુનો દાખલ કર્યો છે.