વાપીનાં ડુંગરામાં ઘર આગળ રમતી બાળકીને કારનાં ચાલકે અડફેટમાં લેતા ઇજાગ્રસ્ત હાલતમાં તે હોસ્પિટલમાં ખસેડાઇ હતી. ઘટના અંગે પિતાએ પોલીસમાં ચાલક સામે ફરિયાદ નોંધાવી છે. સુત્રો પાસેથી મળતી માહિતી મુજબ, વાપીનાં ડુંગરા ખાતે ભોપાલી નગરમાં રહેતા સમસુદ્દીન ગ્યાસુદ્દીન શેખ શુક્રવારે ઓમની ટાયર સર્વિસમાં કામ ઉપર ગયા હતા. જ્યાંથી સાંજે પરત ફરતી વખતે ઘર આગળ માણસોનું ટોળું જોવા મળ્યું હતું.

ત્યારે સમસાદભાઇ પાણીવાળાએ જણાવેલ કે, અકબર ખાનનો છોકરો બરકત ખાનએ તેની સ્વીફ્ટ કાર નંબર GJ/15CB/8489 લઇ ઘરથી નીકળતી વખતે 4 વર્ષીય છોકરી ઉમેરાને અડફેટમાં લેતા લોહી લુહાણ હાલતમાં તે હોસ્પિટલમાં ખસેડાઇ હતી. જયારે છોકરીને જોતા ડાબા પગમાં ગંભીર ઇજા હોય વધુ સારવાર માટે આયુષ હોસ્પિટલમાં દાખલ કરી સ્વીફ્ટ કારનો ચાલક બરકત ખાન સામે ફરિયાદ નોંધાવતા પોલીસે આગળની કાર્યવાહી હાથ ધરી છે.