ભરૂચનાં ઝઘડીયા તાલુકાનાં રાણીપુરા ગામના જોગી ફળિયામાં અગાઉના ઝઘડાની રીસ રાખી 6 ઇસમોએ મારક હથિયારો વડે તૂટી પડી ત્રણ યુવાનો ઉપર જીવલેણ હુમલો કરી ઇજાઓ પહોંચાડી હતી. સુત્રો પાસેથી પ્રાપ્ત માહિતી અનુસાર, ઝઘડીયાનાં રાણીપુરા ગામના જોગી ફળિયામાં રહેતા ઉમેશ કનુભાઈ વસાવા અને તેઓના મિત્રો તેઓના ઘરે બેઠા હતા. તે દરમિયાન ગામનો સુરેશ કાલિદાસ વસાવા, નવીન ઉર્ફે ડોન વસાવા અને શૈલેષ વસાવા સહિત 6 ઇસમો લોખંડની પાઇપ અને ધારિયા લઈ દોડી આવ્યા હતા અને તું ગામનો દાદો બની ગયો છે કહી ધારિયા વડે જીવલેણ હુમલો કર્યો હતો આ ઝઘડામાં અન્ય ઇસમોએ પણ ઉમેશ વસાવા અને તેના ભાઈ સહિત મિત્રને માર માર્યો હતો આ મારામારીમાં ગંભીર ઇજાઓને પગલે ઇજાગ્રસ્તોને ભરૂચ સિવિલ હોસ્પિટલ ખાતે ખસેડવામાં આવ્યા હતા. બનાવ અંગે મારામારી અંગે ઝઘડીયા પોલીસે ગુનો નોંધી તપાસ હાથ ધરી હતી.