ભરૂચના નેશનલ હાઈવે નંબર ૪૮ ઉપર એક ગંભીર ઘટના સામે આવી છે જેમાં મુલદ ટોલ પ્લાઝાથી માત્ર ૫૦૦ મીટર દુર ભરૂચ તરફ જતી એક કારમાં અચાનક લાગી હતી. સદનસીબે કારમાં સવાર મુસાફરોએ સમય સુચકતા વાપરીને તરત જ વાહન છોડી દીધુ હતુ જેના કારણે કોઈ જાનહાની થઈ નથી.

જોકે થોડી જ વારમાં આગે વિકરાળ સ્વરૂપ ધારણ કર્યું અને કાર સંપુર્ણ પણે બળીને ખાક થઈ ગઈ હતી. મુલદ ટોલટેક્ષના સ્ટાફે તાત્કાલીક ફાયર બ્રિગેડને જાણ કરી હતી ફાયર બ્રિગેડની ટીમે ઘટના સ્થળે પહોંચી પાણીનો મારો ચલાવીને આગ પર કાબુ મેળવ્યો હતો આ ઘટનાને કારણે સુરત તરફથી આવતો ટ્રાફીક જામ થઈ ગયો હતો. જિલ્લા ટ્રાફીક પોલીસને ઘટનાની જાણ થતા તેઓ પણ તુરંત જ ઘટનાસ્થળે પહોંચ્યા અને વાહન વ્યવહાર પુનઃ સુચારૂ કરવાની કામગીરી હાથ ધરી હતી.