વ્યારાનાં કટાસવાણ ગામમાં એક પશુપાલકના ઘરના કોઠારમાં અચાનક આગ લાગતા એક વાછરડાનું મોત નીપજ્યું હતું, જયારે અન્ય બે પશુઓ દાઝી જતાં ઈજાગ્રસ્ત થયા હતા. બનાવની વિગત એવી છે કે, વ્યારા તાલુકાનાં કટાસવાણ ગામનાં સિંગલ ફળિયામાં રહેતા શુકરિયાભાઈ ગામીત પશુપાલન વ્યવસાય સાથે સંકળાયેલા છે અને તેમના પશુઓ બાંધવાના કોઠારમાં અચાનક આગ લાગી ગઈ હતી. જોકે કોઠારમાં બાંધેલા પાલતુ જાનવરના અવાજ સાંભળી દોડી ગયેલ પરિવારજનો પશુઓના બાંધેલા દોરડા કાપે તે પહેલા આગની જ્વાળાઓની લપેટમાં આવી ચૂકેલ જાનવરોને જાનના જોખમે પશુઓને બહાર કાઢવાની કોશિશ કરાઈ હતી. પરંતુ ગંભીર રીતે દાઝી ગયેલી એક વાછરડનું મોત થયું હતું, જ્યારે અન્ય બે પશુઓને ઈજા થઈ હતી. જોકે આ આગમાં શુકરિયાભાઈને આર્થિક રીતે નુકસાન પહોંચ્યું હતું.