નવસારી શહેરના અલીફ નગર વિસ્તારમાં યોગ્ય પ્રમાણપત્ર વગર પ્રેક્ટિસ કરતો બોગસ ડોક્ટરને અર્બન હેલ્થ સેન્ટરના અધિકારી સાથે પોલીસે ઝડપી પાડી કાયદેસરની કાર્યવાહી કરી છે. સુત્રો પાસેથી મળતી માહિતી અનુસાર, શ્રમજીવી વસ્તી ધરાવતા અલીફ નગરમાં ક્લિનિક ખોલી પ્રેક્ટિસ કરતો બોગસ ડોક્ટર ગણેશ બળીરામ પાટીલને બાતમીના આધારે અર્બન હેલ્થ સેન્ટરના અધિકારી સાથે નવસારી ટાઉન પોલીસની ટીમે ક્લિનિક પર જઈ છાપો મારતા દવાખાનું કોઈપણ સક્ષમ સંસ્થા એટલે કે ગુજરાત મેડિકલ કાઉન્સિલનું રજીસ્ટ્રેશન અંગેનું પ્રમાણપત્ર મેળવ્યા વગર ગેરકાયદેસર રીતે ડોક્ટરની પ્રેક્ટિસ કરી સાધન સામગ્રી તથા મેડિસિન મળી કુલ રૂપિયા 9,846/-નો મુદ્દામાલ પણ કબ્જે કરી ઝડપાયેલ વિરુદ્ધ ગુનો દાખલ કરી કાયદેસરની કાર્યવાહી હાથ ધરી હતી.