ઉમરપાડા પોલીસની હદમાં આવેલ કેવડી-ઉમરપાડા રોડ પર કાર ચાલકે બાઇક સવારને અડફેટમાં લીધો હતો બાઈક ચાલકને ગંભીર ઈજા થતાં તેનું ઘટના સ્થળે મોત નિપજ્યું હતું. સુત્રો પાસેથી મળતી માહિતી અનુસાર, ગોવિંદભાઈ નમુભાઈ વસાવા પોતાની બાઈક નંબર GJ/16/DJ/3360 લઈને ઉમરપાડા કેવડી તરફ જવાનાં માર્ગ પરથી પસાર થઈ રહ્યા હતા. તે દરમિયાન સામેથી પુરપાટ આવી રહેલા અલ્ટો કાર નંબર GJ/22/P/0730નાં ચાલક ગફલતભરી રીતે હંકારી ગોવિંદભાઈની બાઈકને અડફેટમાં લઈ ફરાર થઈ ગયો હતો. આ અકસ્માતમાં ગોવિંદભાઈને ગંભીર ઇજાઓ પહોંચતા તેમનું ઘટના સ્થળે મોત નિપજ્યું હતું. ઉમરપાડા પોલીસે બનાવનાં સ્થળે પહોંચી અસ્કામત સર્જનાર કાર ચાલક વિરૂદ્ધ ગુનો નોંધી આગળની તપાસ હાથ ધરી હતી.