ઉચ્છલના વડદેખુર્દ ગામે ૨૨ વર્ષીય યુવતીએ ગળે ફાંસો ખાઈ આપઘાત કર્યો હોવાનો બનાવ ઉચ્છલ પોલીસ મથકે નોંધાયો છે.

પોલીસ સુત્રો પાસેથી મળતી માહિતી અનુસાર ઉચ્છલ તાલુકાના વડદેખુર્દ ગામે રહેતી ૨૨ વર્ષીય યુવતી અલ્કાબેન બિપીનભાઈ વસાવાએ ગઈકાલ તા.૨૯મી મે ૨૦૨૨ નારોજ રાત્રીના અરસામાં કોઈ અગમ્ય કારણોસર પોતાના ઘરના છતના આડિયા સાથે દોરડું બાંધી ગળે ફાંસો ખાઈ લેતા મોત નિપજ્યું હતું. બનાવ અંગે જેતુભાઈ રામજીભાઈ ગામીતે ઉચ્છલ પોલીસને જાણ કરતા આજરોજ પોલીસે બનાવ દાખલ કરી આગળની વધુ તપાસ હાથ ધરી છે.