તાપીમિત્ર ન્યુઝ,વ્યારા:વ્યારાના સિંગી ફળિયા વિસ્તારમાં ટીકી ભરવા માટેની સાડીઓ લેવા ગયેલી સગીરવયની બાળાના હોઠ ઉપર ચૂંબન કરી શારીરિક છેડતી કરનાર શખ્સને પોલીસે ફરિયાદને આધારે ઝડપી પાડી જેલના સળિયા પાછળ ધકેલ્યો છે. મળતી માહિતી અનુસાર તા.૧૦મી એપ્રિલ નારોજ બપોરે આશરે ૧૨:૦૦ કલાક ના અરસામાં વ્યારાના સિંગી ફળિયા વિસ્તારમાં બનેલી ઘટનાને પગલે સમગ્ર વિસ્તારમાં ચકચાર મચી જવા પામ્યો છે.ટીકી ભરવા માટેની સાડી લેવા ગયેલી સગીરવયની બાળાને એકલતાનો લાભ લઈ તેને પાછળથી પકડી લઈ હોઠ ઉપર ચૂંબન કરી “બો મીઠું લાગ્યું ને ?” બોલી બાળાની શારીરિક છેડતી કરનાર કલ્પેશભાઈ ડાહ્યાભાઈ કાટેકર(ઉ.વ.૩૧)રહે,સિંગીફળિયું-વ્યારા ને ફરિયાદને આધારે ઝડપી પાડી તેના વિરુધ્ધ ઈપીકો કલમ ૩૫૪(એ)(૧)(૨) તથા પોક્સો એક્ટ કલમ-૧૨ મુજબ ગુન્હો દાખલ કરી જેલના સળિયા પાછળ ધકેલી દેવામાં આવ્યો છે.બનાવ અંગે આગળની વધુ તપાસ વ્યારા પોલીસ મથકના PSI આર.એસ.પટેલ કરી રહ્યા છે.