ભરત શાહ દ્વારા તાપીમિત્ર ન્યુઝ,નર્મદા:તિલકવાડાના બંદરપુરા ગામમાં સ્ટ્રીટ લાઈટના અજવાળામાં ચાલતા એક જુગાર પર પોલીસે રેડ કરતા જુગાર રમતા છ જુગારીયાઓ પૈકી ચાર પોલીસના હાથે પકડાયા ગયા હતા અને બે ફરાર થતા શોધખોળ શરુ કરી છે.પકડાયેલા જુગારીયાઓ પૈકી સુરેશ ચુનીલાલ ભીલ,રવિદાસ નટુભાઈ ભીલ, નરેન્દ્ર બચુભાઈ ભીલ અને બાબુ જમનાદાસ ભીલની અંગઝડતી માંથી પોલીસને રોકડા રૂપિયા 10,500/- તથા જુગારના દાવ પર મુકેલા રોકડા રૂપિયા 9,600/- અને બે મોબાઈલની કિંમત રૂપિયા 2,000/- મળી કુલ રૂપિયા 22,100/- સાથે ચારેયને પકડી પોલીસે કાયદેસર કાર્યવાહી કરી ભાગેલા બે જુગારીયાઓ પૈકી મિયાંદઅલી મહમદઅલી સય્યદ અને યુસુફખા નામના જુગારીયાને પકડવા પોલીસે ચક્રો ગતિમાન કર્યા હતા.